Месец и половина откако ги затворија дневните весници „Вест“ и „Утрински весник’, од утре нема да се печати и „Дневник“. Оваа одлуката денеска на вработените им ја соопштил Александар Динев, сопственикот на новата фирма „Медиа принт“ која од мај месец наваму го издаваше „Дневник“.

Покрај тоа што се затвора првиот приватен весник во Македонија – „Дневник“, од утре се укинуваат и порталите „Вест“, „Утрински весник“ и „Телеграф“. Со оваа одлука на менаџментот околу стотина луѓе од компанијата „МПМ“ остануваат без работа.

„Дневник“ почна да излегува на 20 март 1996 година. Весниците „Вест“ и „Утрински весник“ престанаа да се печатат на 1 мај. Стотина медиумски вработени тогаш останаа без работа.