Претседателот на Собранието Талат Џафери ја прекина маратонската седница за разрешување на државниот обвинител Марко Зврлевски во 21.30 часот и продолжението го закажа за петок во 11 часот.
Во попладневните и вечерните часови продолжија меѓусебните реплики на пратениците од ВМРО-ДПМНЕ, но за согласување едни со други, поддршка и надополнување, а следеа и контрареплики, пак за согласување, надополнување и поддршка на „репликите”.

Речиси никој од говорниците не се држеше до точката на дневниот ред, разрешувањето на Зврлевски. Опозициските пратеници зборуваа за пожарите, за Договорот за добрососедство со Бугарија, за наводна намера на Владата да насели илјадници бегалци во Македонија…

С. К. ДЕЛЕВСКА