Кристијано Роналдо не игра во најдобра форма последниот период, но неговиот тренер Зинедин Зидан застана во негова одбрана и потенцираше дека Португалецот има дополнителна мотивација да ги подобри своите игри во дресот на Реал Мадрид.

„Веројатно поради тоа што не постигнува толку многу голови, Роналдо сега е помотивиран од било кого во нашиот тим и сака да покаже на што е способен. Тој секогаш се докажувал на големите натпревари“, изјави Зидан кој очекува мотивираниот Португалец да блесне во финишот на сезоната.

Роналдо сезонава постигна 20 голови во сите натпреварувања и само 8 во шпанското првенство.