На плоштадот Македонија во Скопје денеска се одржа протест на движењето „Нашето име е наше право“ на кој беше побаран прекин на преговорите за името со Грција под посредство на Метју Нимиц. Демонстрантите побараа и ослободување на притворените за настаните од 27 април.

Претходно денеска, протести против промена на името имаше и во Мелбурн, Сиднеј и Перт во Австралија, а протест на македонските иселеници, насловен „Ние сме Македонија“, имаше и во Вашингтон, каде што неколку организации од Њу Џерси, Масачусетс, Њујорк и Вашингтон, побараа од македонската влада прекин на преговорите за името со Грција и заштита на македонскиот идентитет.