Четири лица загинаа во сообраќајна несреќа што попладнево се случи во близина на ресенското село Крушје. Според информациите од терен во сообраќајката учествувале три возила: мерцедес, ауди и БМВ. Две од возилата што учествувале во несреќата се со битолски регистраски таблички, а едно со охридски.

Полицијата за САКАМДАКАЖАМ.МК ја потврди информацијата за несреќата. Дополнителни информации, како што кажаа од полицијата, ќе има по завршување на увидот.