Фемке Халсема ќе биде нов градоначалник на Амстердам, станувајќи прва жена во историјата на градот која била избрана на оваа функција.

Иако повеќето големи градови во Холандија веќе имаа градоначалничка, Амстердам, исто како и Ротердам, досега не бил воден од жена. Првиот градоначалник на Амстердам бил избран уште во 1343 година.

„Среќна сум, горда и почестена што ме номинираа за оваа функција“, кажа 52-годишната Халсема, чиј избор треба да биде потврден од владата, а потоа и од кралот, што обично е формалност.

Халсема, поранешен лидер на левичарската партија Грунлинкс, се повлече од политиката во 2011 година и сега треба да го наследи Еберхард фан дер Лан, кој почина лани.

Нејзината номинација уследи откако група од 45 угледни Холанѓанки испрати протестно писмо, барајќи на функцијата да дојде жена.