По промените во Министерството за финансии, премиерот Емил Димитриев ќе направи ротација и на позицијата заменик-министер за надворешни работи. Тој ќе побара разрешување на заменик-министерката за надворешни работи Драгана Кипријановска. На нејзино место Димитриев ќе го предложи Илија Исајловски кој е дипломат од кариера со богато искуство во меѓународни организации и разивање на дипломатски односи. Во Министерството за надворешни работи Исајловски е вработен уште во 1996 година и поминал низ сите професионални скалила. Извесен период работел и во одделението за политички билатерални односи со државите од Западна и Централна Европа, како и амбасадор на Р. Македонија во Украина, Руската Федерација и е актуелен амбасадор во Народна Република Кина, од каде ги покрива и ДНР Кореа, Виетнам, Кралството Тајланд и Монголија.

На позицијата нов министер за финансии, по оставката на Зоран Ставрески пради здравствени проблеми, Димитриев ќе го предложи  актуелниот директор на Управата за јавни приходи Кирил Миновски.