Полицијата ги проверува возилата што излегуваат од катната гаража „Тодор Александров”, веднаш до седиштето на ВМРО-ДПМНЕ, во потрага по осудениот пратеник и експремиер Никола Груевски.
Полицијата вечерва го бара Груевски откако доби известување од Основниот суд Скопје 1 дека судски доставувач не може да го пронајде да му врачи решение веднаш да се упати во затвор.
Полицајци, а со нив и новинарски екипи, првин го побараа на адресата од лична карта, но таму немаше никој.
Оној момент кога ќе го најде, МВР присилно ќе го спроведе во затворот Шутка на издржување на двегодишната затворска казна за случајот „Тенк“.
На сајтот на МВР е објавена национална потерница по Груевски.
