ВМРО-ДПМНЕ ОБЈАВИ КОНКУРС ЗА ИЗБОР НА ПРЕТСЕДАТЕЛСКИ КАНДИДАТ

ВМРО-ДПМНЕ ОБЈАВИ КОНКУРС ЗА ИЗБОР НА ПРЕТСЕДАТЕЛСКИ КАНДИДАТПретседателскиот кандидат ќе го бираат 550 делегати на Конвенцијата на ВМРО-ДПМНЕ со тајно гласање. - Лидерот на ВМРО-ДПМНЕ Христијан Мицкоски на протест пред Владата на 12 декември (Фото: СДК.МК)

ВМРО-ДПМНЕ објави јавен повик за пријавување кандидатури за избор на претседател на државата за претседателските избори во 2019 година.

Кандидатурите се пријавуваат до конвенцијата на ВМРО-ДПМНЕ за избор на претседателски кандидат.

„Сите оние кандидати, кои ги исполнуваат законски предвидените обврски и услови за кандидирање за кандидат за Претседател на Република Македонија и кои се согласуваат и ги поддржуваат политиките на ВМРО-ДПМНЕ и сметаат дека се потенцијален кандидат, треба да поднесат индивидуално писмо за изјавување на интерес за кандидирање на Конвенцијата на ВМРО-ДПМНЕ за избор на кандидат за Претседател на Република Македонија, најдоцна до 31.01.2019 година до 18:00 часот, во просториите на централното седиште на ВМРО-ДПМНЕ, тоа е плоштад ВМРО, Палата Христо Татарчев бр. 1“, рече Димче Арсовски, портпарол на ВМРО-ДПМНЕ.

Сите кандидати кои ги исполнуваат условите, ќе имаат еднакво право да ја презентираат програмата пред партијата.

Претседателскиот кандидат ќе го бираат 550 делегати на Конвенцијата на ВМРО-ДПМНЕ со тајно гласање.

За избран ќе се смета кандидатот кој добил најмногу гласови од сите кандидати, но не помалку од 1/3 од вкупниот број на делегати.

Претседателските избори треба да се распишат 60 дена пред истекот на мандатот на претседателот Ѓорге Иванов. Тој официјално го доби вториот мандат од ДИК на 2 мај 2014 година.

Симнете ја мобилната апликација

©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира