БЕГАЈЌИ ОД ПОЖАРОТ КАЈ ГЕВГЕЛИЈА, ШЕСТМИНА МИГРАНТИ СЕ НАШЛЕ ВО КАРАУЛАТА НА АРМ, КАЈ ШТО ГИ ПРИВЕЛЕ ОТИ СЕ СОМНЕВАЛЕ ДЕКА СЕ ПОДМЕТНУВАЧИ

    БЕГАЈЌИ ОД ПОЖАРОТ КАЈ ГЕВГЕЛИЈА, ШЕСТМИНА МИГРАНТИ СЕ НАШЛЕ ВО КАРАУЛАТА НА АРМ, КАЈ ШТО ГИ ПРИВЕЛЕ ОТИ СЕ СОМНЕВАЛЕ ДЕКА СЕ ПОДМЕТНУВАЧИГрупата мигранти вчера се нашла пред караулата на АРМ во момент кога пламнал големиот пожар. (архивска фотографија)

    Шестмина мигранти кои се нашле сред страотниот оган на граничниот премин Богородица, вчера биле приведени и испитувани во Гевгелиската полиција под сомневање дека можеби тие го причиниле пожарот.

    „Група мигранти вчера трчајќи дошле во караулата на АРМ во момент кога пламнал големиот пожар. Тие биле приведени и однесени на испрашување во полициската станица Гевгелија. Извршени се детални проверки, луѓето немаат врска со избувнувањето на пожарот. Во разговорот со нив, утврдено е дека овие илегални мигранти всушност бегале од пожарот кој најверојатно првин избил на грчката страна, односно во меѓуграничниот појас. По проверките тие се пуштени од полицијата, без вина дека го причиниле или подметнале пожарот, и со нив ќе се постапи според законот. Ќе бидат вратени во Грција, откај што дошле“, изјавија од МВР за САКАМДАКАЖАМ.МК.

    Пламените вчера беа блиску до караулата и казинот „Фламинго“ (Фото: СДК.МК)

    Во попладневните часови вчера на ГП Богородица беше хаос. На над 42 степени целзиусови и силен ветар како жежок фен, се издигна огромен пламен кој дојде до караулата и хотелот казино „Фламинго“. За среќа беше локализиран, а потоа и изгаснат.

    Сè уште нема официјални информации како изби пламеното жариште на границата со Грција.

    С. К. ДЕЛЕВСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира