Околу 19.30 часот вечерва избувна пожар над манастирот „Света Недела“, познат и како Мирјанина црква на патот кон плачковичкото село Шашаварлија, Штипско. Огненаната стихија носена од силниот ветер брзо зафатила еден хектар со борова шума, а во опасност е и манастирот.

Чадот што се шири од опожареното подрачје се гледа и од Штип. Од Противпожарната единица соопштија дека нивни возила заминале да го гасат пожарот за да се спречи да го зафати и останатиот дел, каде боровата шума во овој крај подигната пред половина век се простира на над 30 хектари.

Т. ЈОВАНОВСКИ