ГРАД СКОПЈЕ РАСПИША НОВ ТЕНДЕР ЗА СТРУЈА ОТКАКО ДОСЕГАШНИОТ СНАБДУВАЧ ГО РАСКИНА ДОГОВОРОТ, СЕ ОЧЕКУВА ПОСКАПА ЦЕНА

    ГРАД СКОПЈЕ РАСПИША НОВ ТЕНДЕР ЗА СТРУЈА ОТКАКО ДОСЕГАШНИОТ СНАБДУВАЧ ГО РАСКИНА ДОГОВОРОТ, СЕ ОЧЕКУВА ПОСКАПА ЦЕНАГрад Скопје во овој момент се снабдува со електрична енергија од снабдувач во краен случај. (Фото: СДК.МК)

    Град Скопје распиша тендер за снабдување со електрична енергија откако досегашниот снабдувачот го раскина договорот. Поради најавена енергетска криза, фирмите кои имаат склучено договор со Општините и јавните установи почнаа да ги раскинуваат договорите оти цената на струјата се очекува ќе расте.

    Од Град Скопје велат дека градот нема да остане без струја и улично осветлување додека се избере нова фирма, бидејќи постапено е согласно Законот за енергетика.

    „По раскинувањето на договорот со компанијата ‘У Пауер’ на 1 октомври, Град Скопје во овој момент се снабдува со електрична енергија од снабдувач во краен случај, согласно Законот за енергетика и Правилата за снабдување со електрична енергија. Во моментов, не можеме да дадеме проценки за висината на новиот договор и колку ќе се плаќа за електрична енергија во 2022 година, истото зависи од поголем број на фактори, но генерално се очекува повисока цена поради состојбата со енергетската криза“, велат од Град Скопје.

    Фирмата „У Пауер“ на 1 октомври го раскина договорот со Градот поради повисоките цени на електричната енергија на пазарот. Според договорот, цената за снабдување со струја беше за висока тарифа 4.029 денари без ДДВ за киловатчас и за ниска тарифа 2.37 денари.

    А. АНТЕВСКА

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира