Водата што ја пијат жители на Скопје е чиста и квалитетна, велат од ЈП „Водовод и канализација“. Од таму велат дека лажна вест е информацијата која деновиве се појавува на социјалните мрежи дека водата во изворот Рашче е загадена.
На локалитетот нема нешто што би истекло и директно би го загрозило изворот. Постројките кои ги третираат подземните води се чисти и во одлична состојба и истите постојано се следат од наша, а и од страна на надлежни институции. ЈП ’Водовод и канализација‘ секојдневно врши анализи на водата на 38 локации на територијата на градот Скопје. Граѓаните на градот Скопје пијат најчиста и најквалитетна вода за пиење“, се вели во соопштението на јавното претпријатие „Водовод и канализација“.
Од таму додаваат преку ваквите лажни вести граѓаните се доведуваат во паника и потсетуваат дека предизвикување општа опасност според Кривичниот законик, член 288, став 1, е кривично дело за кое е предвидена казна затвор до 5 години.
А. АНТЕВСКА
