ОПШТИНА МОГИЛА ПРОГЛАСИ ЕЛЕМЕНТАРНА НЕПОГОДА ПОРАДИ НЕВРЕМЕТО СО ГРАД

    ОПШТИНА МОГИЛА ПРОГЛАСИ ЕЛЕМЕНТАРНА НЕПОГОДА ПОРАДИ НЕВРЕМЕТО СО ГРАДЕлементарна непогода веќе е прогласена во Могила и Радобор, а од денес и во Долно Српци, Ивањевци, Беранци и Вашарејца каде невремето со град направи големи штети кај посевите со тутун, пченица, пченка и други земјоделски производи (Фото: СДК.МК)

    Општина Могила веќе прогласи елементарна непогода во шест села погодени од лошото невреме со врнежи од град, што предизвика големи штети кај тутунот, пченицата, пченката и други земјоделски производи. Претседателот на Советот Александар Јанкуловски, изјави дека во четири села од пред две недели е прогласена елементарна непогода, а на денешната седница на Совет на списокот ќе бидат додадени уште две села или вкупно шест.

    Елементарна непогода веќе е прогласена во Могила и Радобор, а од денес и во Долно Српци, Ивањевци, Беранци и Вашарејца.

    „Општинска комисија ќе направи проценка на штетите, но за обештетување ќе биде потребно да помогне државата“, рече Јанкуловски.

    Најголем дел од земјоделците не ги имаа осигурано земјоделските површини. Дел од немање навика да го прават тоа, а други кажуваат дека дел од осигурителните компании дваесетина дена не им ги осигурувале посевите зашто имало многу пријави за штети од град во Ресенско.

    Ж. ЗДРАВКОВСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари