ПОЧИНА ОПШТИНСКИ СОЦИЈАЛЕН РАБОТНИК ОД ШТИП, БИЛ ПОЗИТИВЕН НА КОРОНАВИРУС

    ПОЧИНА ОПШТИНСКИ СОЦИЈАЛЕН РАБОТНИК ОД ШТИП, БИЛ ПОЗИТИВЕН НА КОРОНАВИРУСПочинатиот бил вработен во Центарот за социјални услуги, кој е сместен во зградата на Општината. Сите колеги се во изолација (Фото: СДК.МК)

    Референт во Центарот за социјални услуги во Општина Штип почина откако имал позитивен тест на коронавирус. Канцеларијата на Центарот, која се наоѓа во зградата на Општина Штип, две недели ќе биде затворена затоа што останатите двајца негови колеги се во домашна самоизолација и допрва ќе бидат тестирани.

    Не е познато со кого сѐ починатиот, кој бил на возраст од 48 години, имал контакти затоа што во последно време учествувал во повеќе хуманитарни активности за ромската заедница.

    Како што дознаваме, починатиот имал здравствени проблеми, поради што извесно време не одел на работа. Имал проблеми со срцето и со црниот дроб и кога деновиве добил напади, бил однесен во болница. Му бил земен брис, па препратен во Клиниката за интерни болести во Скопје, каде што починал, а тестот за ковид-19 се покажал позитивен.

    Бројката починати од ковид-19 во Штип се зголеми на 11. Досега вкупно се заразиле 606 лица, а оздравеле 306.

    Т. ЈОВАНОВСКИ

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира