Наместо за 25 денари, од утре на откупните пунктови во Струмица, пиперката-ајварка за конзервно-преработувачките капацитети ќе се откупува за 30 денари по килограм. Ваков договор се постигна откако изминативе 4 дена денови земјоделците протестираа, а министерот за земјоделство Борче Серафимовски имаше одделни средби со земјоделците, откупувачите и фабрикантите.
„Од утре па натаму, црвените пиперки ќе се откупуваат за прва класа по цена од 40 денари, прва – втора или класата за индустриските капацитети за 30 денари, додека за втора класа цената ќе биде 15 денари. Апелирам и до откупувачите и земјоделците да имаат вистинска класификација на црвените пиперки на откупните пунктови, а не да се враќа производството. За да се избегне можната манипулација од утре ќе се засилат контролите на Државниот земјоделски инспекторат“,рече министерот Серафимовски.
- КАДЕ СЕ СЕГА ПРАТЕНИЦИТЕ И ГРАДОНАЧАЛНИЦИТЕ ДА НЀ ЗАШТИТАТ, РЕКОА ЗЕМЈОДЕЛЦИТЕ ОД СТРУМИЦА КОИ ЧЕТВРТИ ДЕН ПРОТЕСТИРААТ ПРОТИВ НИСКИТЕ ОТКУПНИ ЦЕНИ
- ЦЕЛО СЕМЕЈСТВО ‘РМБАМЕ НА НИВА, А НЕКОЈ САКА ДА НИ ГО ЗЕМЕ РОДОТ ЗА ЏАБЕ, РЕКОА ЗЕМЈОДЕЛЦИТЕ, КОИ СО ТРАКТОРИ ГО БЛОКИРАА ЦЕНТАРОТ НА СТРУМИЦА
За временската рамка за исплата на пиперките, тој кажа дека треба да се носат законски измени. За субвенциите министерот рече дека издвоени се 1,2 милиони денари кои на првата владина седница ќе бидат наменети за сточарите и полјоделците за да се платат до крајот на август.
Земјоделците од Струмичко изразија задоволство од зголемената цена. Сметаат дека со дијалог може да се најде заеднички јазик.
- СТРУМИЧКИТЕ ЗЕМЈОДЕЛЦИ ВТОР ДЕН ПРОТЕСТИРАА, ОСВЕН ПОВИСОКИ ОТКУПНИ ЦЕНИ ПОБАРАА И ИСПЛАТА НА ЛАНСКИТЕ СУБВЕНЦИИ ЗА АЈВАРКАТА
- ПОНИЖУВАЧКА E ОТКУПНАТА ЦЕНА ОД 25 ДЕНАРИ ЗА ПИПЕРКАТА-АЈВАРКА, ВЕЛАТ СТРУМИЧКИТЕ ЗЕМЈОДЕЛЦИ И НАЈАВИЈА БЛОКАДИ НА ПАТИШТА
„Може и повеќе, но и овие цени се реалност. Се надевам дека ќе се задржат истите до крајот на сезоната и дека на откупните пунктови нема да има манипулации во однос на класификацијата на квалитетот, оти самите откупувачи си прават сортирање на штета на земјоделецот“, кажа Илија Василев.
В. ТРАЈКОВ
