Советот на Општина Прилеп донесе одлука за откажување на традиционалниот меѓународен карневал „Прочка“, што требаше да се одржи по 19. пат.

Од Општината соопштија дека одлуката е донесена согласно препораките на Министерството за здравство, откако во земјата беше регистриран прв случај на коронавирус, а уште 14 луѓе се во изолација.

„Се откажуваат сите настани поврзани со меѓународниот карневал ‘Прочка 2020‘“, соопшти Општина Прилеп.

Карневалот требаше да почне денеска.

Претходно беа откажани и сите натамошни активности од Струмичкиот карневал, кој очекуваше илјадници посетители за утрешното големо дефиле.