Велес пред две недели го одбележа  роденденот на легендарниот актер  Петре Прличко , роден на 13 март 1907 во овој град, а бргу потоа плочата со името на актерот осамна исчкртана. Заедно со Кочо Рацин, Прличко е синоним за Велес, а велешани се револтирани од вандализирањето на неговата биста.

Комуналната и инспекција и полицијата засега немаат реакција за вандализирањето.

Ова е не првпат плочата да е оштетена.  Пред неколку години, претходната месингана плоча беше украдена, па поставена е оваа која е мермерна.

Бистата на Прличко е дело на скулпторот  Томе Серафимовски и  е поставена во Младинскиот парк, каде постојано има движење на граѓани.

Петре Прличко, еден од доајените на македонското глумиште,  почина во Скопје на 16 ноември 1996.

П. ПЕЧКОВ