Претседавачот на Советот на скопската Општина Центар Мирослав Шиповиќ денеска поднесе оставка од функцијата.
Во образложението на оставката Шиповиќ, кој е член на СДСМ , има наведено дека ја дава од лични причини. Тој дава оставка само од функцијата претседавач, а останува советник.
„Шиповиќ си даде оставка од функцијата. За утре во 15 часот е закажана седница на која тој треба да ги образложи причините за оставката, а и да се почне процедурата за избор на нов претседавач на општинскиот Совет“, изјавија од Општина Центар.
Мирослав Шиповиќ во февруари 2014 е обвинет во случајот „Претседавач“, како член на раководството на фирмата „Машинопромет“.
Шиповиќ и уште 11 други лица беа обвинети дека како членови на управниот и надзорниот орган на „Машинопромет“ или сопственици на други фирми направиле злоупотреба на службена положба и овластување и помогање при што направале штета од еден милион евра. По Шиповиќ министерството за внатрешни работи имаше меѓународна потерница и беше уапсен на виенскиот аеродром, па екстрадиран во Скопје.
