СО 5.200 ПРИЈАВЕНИ ВАКЦИНАЦИЈАТА ПРОТИВ КОВИД-19 ВО ТЕТОВО ПОЧНУВА В ПЕТОК

    СО 5.200 ПРИЈАВЕНИ ВАКЦИНАЦИЈАТА ПРОТИВ КОВИД-19 ВО ТЕТОВО ПОЧНУВА В ПЕТОКСо првата пратка добиени се 800 вакцини кои првично ќе бидат наменети за лица над 77-годишна возраст. (Фото: СДК.МК)

    Вакцинирањето против ковид-19 в петок започнува и во Тетово, во Здравствениот дом. Од оваа здравствена установа велат дека се направени сите подготовки процесот на вакцинирање на населението да се одвива непречено.

    „Првите дози се наменети за категоријата на лица над 77 години, кои се пријавиле преку сајтот вакцинација.мк и Мој термин. Досега се пријавени околу 5.200 граѓани и тоа не само од Тетово туку и од околните пет општини од Тетовскиот Регион. Од страна на Министерството за здравство добиени се 800 вакцини кои првично ќе бидат наменети за лица над 77-годишна возраст. По вакцинација на оваа категорија се преминува кон вакцинирање и на останатите старосни категории. Во наредниот период вакцините до нас ќе се доставуваат сукцесивно, според бројот напријавени пациенти од посочената категорија“, информира Борислав Јоргаќиески, директор на Здравстен дом.

    Вакцинирањето ќе се спроведува во Службата за вакцинација која е во состав на Здравствен Дом Тетово, а доставени се вакцини од производителот „АстраЗенека“.

    З. АНДОНОВ

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира