Сојузот на борци ги повика градоначалниците на Град Скопје Орце Ѓорѓиевски и на Општина Центар Горан Герасимовски, итно да преземат мерки за обновување на украдените и оштетени бисти на народните херои. Од Сојузот на борци од Општина Центар велат дека локалната и централната власт не се грижат за обележјата на паднатите борци.

„Оваа појава зема замав и има за цел сквернавење и поништување на нашата историја, а таа појава им оди во прилог на оние кои ја оспоруваат македонската историја и независност. Претседателството на Сојузот на борци предлага обновување на бистите не само во нашата општина, и во градот Скопје и низ цела држава. Освен тоа, предлагаме да се изготви нов закон за спомениците и спомен-обележјата со казнени мерки за сквернавење, крадење или оштетување на спомениците и хероите кои со своите животи ја создадоа македонската историја и самостојна држава“, вели Петар Јанев, претседател на Сојузот на борци од Општина Центар.

• УКРАДЕНА БИСТАТА НА НАРОДНИОТ ХЕРОЈ ВЕРА ЈОЦИЌ ОД ГРАДСКИОТ ПАРК НА 150 МЕТРИ ОД ВЛАДАТА
• УКРАДЕНИ НЕКОЛКУ БИСТИ НИЗ СКОПЈЕ, КРАДЦИТЕ НЕ СЕ ФАТЕНИ

• СО НЕДЕЛИ СТОЈАТ УНИШТЕНИ ПОСТАМЕНТИТЕ НА УКРАДЕНИТЕ БИСТИ НА КОЛЕ НЕДЕЛКОВСКИ И НИКОЛА ВАПЦАРОВ ВО СКОПСКИОТ ПАРК, ГРАДОТ НЕ РЕАГИРА

Од Сојузот на борци велат дела споменикот на херојот Васил Антевски-Дрен кој се наоѓа на тротоарот пред влезот на Судската палата е уништен, а оваа локација е со обезбедување 24 часа на ден, но никој не видел, ни чул. Исто е случајот и со бистите во Градскиот парк.

„Негрижата иритира бидејки писмено се информирани Министерството за внатрешни работи и Општина Центар, а до денес нема одговор или реакција“, додаваат од Сојузот на борци.

А. АНТЕВСКА