Во вториот дел од Градскиот парк, Град Скопје изведе нов памптрак полигон за велосипеди и скејтборди.

Новиот памптрак полигон зафаќа површина од над 700 квадратни метри и е наменет за деца и возрасни од различни возрасти. Градот Скопје преку своите јавни претпријатија се погрижи овој простор да добие соодветно осветлување, хортикултурно уредување и фонтана за вода. Со цел овој простор да биде попристапен за граѓаните целосно беше реконструиран и големиот паркинг во непосредна близина, каде отсега ќе се плаќа паркирањето.

Ова е втор памптрак изграден во Скопје, првата ваква адреналинска патека лани беше оформена на просторот пред Олимпискиот базен.

Донатор и изведувач на велодромот е Стопанска банка АД – Скопје.