„М“, вториот филм на Вардан Тозија, од денеска игра во скопското кино Синеплекс во Скопје, а од утре ќе игра и во други градови низ земјава. Премиерата на „М“ беше на 13 јули на отворањето на фестивалот Синедејс во Скопје.
„М“ е дистописка приказна чиј главен лик е осумгодишниот Марко. Матеј Сиваков го игра Марко, а во екипата се и Александар Ничовски, Сашко Коцев, Тони Михајловски, Камка Тоциновска, Бојана Грегориќ-Вејзовиќ, Оливер Митковски, Владимир Тулиев.
Сценариото е на Тозија и режисерот Даријан Пејовски, а кинематографер е Влатко Самоиловски.
Продуцент е „Фокус покус филмс“ од Скопје во копродукција меѓу Хрватска, Косово, Луксембург и Франција.
