ОФФ-ФЕСТ ОД ЈУНИ СЕ ПРЕМЕСТУВА ЗА НАЕСЕН

    ОФФ-ФЕСТ ОД ЈУНИ СЕ ПРЕМЕСТУВА ЗА НАЕСЕНОфф-фест е еден од неколкуте културни настани кои поради пандемијата на коронавирусот, мора да се премести за наесен; - Дизајнот на постерот е на графичкиот дизајнер Зоран Кардула

    Деветнаесетотто издание на Офф-фест, кое беше закажано за 2 до 6 јуни се одложува за наесен, објави организаторот.

    „Пред само еден месец, со веќе објавената, амбициозна програма, бевме оптимисти дека постои шанса за негово одржување. Меѓутоа настаните околу коронавирусот молскавично се развиваа, налагајќи ја потребата од итни чекори за запирање на ширењето на пандемијата. Оттаму, принудени сме да го поместиме планираниот термин. Ова се тешки времиња. Нашиот приоритет е здравјето на сите. Да направиме сè што е во наша моќ да си помогнеме едни на други, да се потрудиме да го направиме овој свет подобар“, велат од фестивалот, и додаваат дека за новите датуми ќе информираат дополнително.

    Претходно беше објавено дека повеќе културни настани кои требаше да се одржат во април, како Скопскиот филмски фестивал и Танц фест Скопје се одложени за наесен.

    Б. НЕСТОРОСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира