Белгискиот дизајнер Дрис ван Нотен вчера ја одржа својата последна модна ревија на модната недела во Париз, одбележувајќи 38 години и 150 колекции. Белгискиот моден маестро, член на влијателните „Антверпска шесторка“, познат по својата иновативна и неочекувана елеганција, во март година најави дека се пензионира. Неговото заминување означува крај на една ера.

Познат по својата иновативна употреба на ткаенини и текстури, во последната колекција Ван Нотен покажа многу сјај и диско-изглед. (Фото: Гардијан)

Последната, 150 ревија се одржа во складиште во Париз, пред диско топка висока 8 метри на чело на неверојатната сребрена писта. Ван Нотен е еден од познатите дизајнери на „Антверпска шесторка“ во која е и Ен Демеулемистер, а сите студирале на Кралската академија за ликовни уметности во Антверпен во раните 1980-ти, и имале важно влијание врз глобалната мода. Неговата кариера, која траеше пет децении од неговата прва линија за машка облека во 1986, беше обележана со спој на познати и непознати елементи, создавајќи чувство на изненадување и поезија во неговите колекции. Тој е почитуван во модната индустрија поради неговата единствена естетика.

Не е ни чудо што легендите на модата, меѓу кои и Дијана фон Фирстенберг, Том Браун и Пјерпаоло Пичоли, присуствуваа на ревијата за да ја прослават неговата кариера. Последната колекција е блескава, разновиден дисплеј што слободно играше на тема завиткување или изложување. Познат по својата иновативна употреба на ткаенини и текстури, Ван Нотен покажа многу сјај и диско-изглед. Во текот на неговата кариера, Ван Нотен се прославуви со рифување на историски и супкултурни референци. Оваа последна ревија не беше исклучок, беспрекорно интегрирајќи ги влијанијата на диското со неговиот уникатен поглед на модерната родово флуидна мажественост.