Италија утре ги отвора апликациите за ваучери за покривање на трошоците за психолошка терапија во обид да се справи со кризата со ментално здравје, пред сè, на младите луѓе.

Од утре (18 март), па до 31 мај, Италијанците ќе може да аплицираат за т.н. „психолошки бонус“ и да добијат до 1.500 евра за психотерапија. Овие ваучери покриваат по 50 евра за сесија кај психолог и наменети се за луѓе кои имаат проблеми со анксиозност, стрес, депресија и други психолошки проблеми.

Италија ја воведе мерката по пандемијата на коронавирус, во декември 2021 година, и на почетокот сумата беше 600 евра.