Албумите на „Панини“ за светските и европските фудбалски првенства никогаш не излегоа од мода во Македонија, но за најновиот, за претстојното Европско првенство, има редици за да се купи.

Албумот денеска дојде и во Македонија и првпат досега, во него ја има и македонската репрезентација. Од Столе Димитриевски до Иван Тричковски, место во оваа престижна колекција добија 20-мина играчи, но сликичката со број 294 несомнено ќе биде најбараната и најпосакувана, бидејќи тука се најде капитенот Горан Пандев.

(Фото: К. Попов)

По 26 години обиди, Македонија лани конечно обезбеди пласман на едно големо натпреварување, откако во финалето на баражот на Лигата на нации ја победи Грузија со 1:0 со голот на Пандев.

Првенството што ќе се игра во 12 држави почнува на 11 јуни, а Македонија ќе дебитира два дена подоцна со мечот против Австрија. Во групата Ц уште се Романија и Холандија.

Г. КОНЕВ