Во организација на Министерството за одбрана и Генералштабот на Армијата денеска на кејот на Вардар во Скопје се одржа трка во рамки на одбележување на 70-годишнината од НАТО.
Трката ја отвори шефот на Канцеларијата за врски на НАТО Зоран Јанковиќ, а трчаа и министерката за одбрана Радмила Шекеринска, началникот на Генераштабот Васко Ѓурчиновски, евроамбасадорот Самуел Жбогар, како и претставници на военодипломатскиот кор.
Шеќеринска носеше дрес со број 30, како симболика за 30-та земја членка на НАТО.
Вкупно, трчаа околу 270 натпреварувачи на 3 и на 5 километри.
„Денеска и симболично покажавме дека сите овие години трчавме кон нашата заедничка цел, а тоа е НАТО членството и таа трка за жал беше потешка од денешнава, и од трите и од петте километри. Таа траеше подолго време и бараше многу напори и одрекувања“, кажа Шекеринска.
