Денеска во Скопје се одржа првиот „Розев базар“ посветен на борбата против ракот на дојка. Американската амбасадорка Анџела Прајс Агелер и сопругата на Претседателот Елизабета Георгиевска заедно со присустните напишаа пораки до болните од рак на дојка и нивните семејства за поддршка на нивната битка со болеста.
„Ракот на дојката е битка што можеме да ја добиеме преку образование, рано откривање и пристап на секој пациент до здравствена заштита. Не чекајте симптоми, одете на редовни прегледи. Ова си го должите себеи и на вашите најблиски“, кажа амбасадорката Агелер.
Базарот го организираше Здружението за иницијативи за развој во здравството, подобрување на здравствените сервиси и застапување на пациенти ЕЗРА.
„Имајќи предвид дека борбата против ракот на дојка, како и другите видови рак, не завршува на крајот на октомври, кој е светски месец посветен на борбата против оваа болест, ние во ЕЗРА решивме да го организираме овој настан откако ‘замолкнаа розовите ѕвона’ и да ги потсетиме сите дека борбата против ракот на дојка трае преку цела година“, вели организаторот.
Настанот е дел од проектот Национална кампања за кревање на свеста рак на дојка.
