17 СЕМЕЈСТВА ТРОШАТ 10 ОТСТО ОД СТРУЈАТА, СЕ ПРАВИ НОВ ТАРИФНИК СО КОЈ ТИЕ ШТО ПОВЕЌЕ ТРОШАТ ЌЕ ПЛАЌААТ ПО ПОСКАПА ТАРИФА

    17 СЕМЕЈСТВА ТРОШАТ 10 ОТСТО ОД СТРУЈАТА, СЕ ПРАВИ НОВ ТАРИФНИК СО КОЈ ТИЕ ШТО ПОВЕЌЕ ТРОШАТ ЌЕ ПЛАЌААТ ПО ПОСКАПА ТАРИФАСо измените на тарифниот систем ќе се воведат три или четири блокови, вели претседателот на Регулаторната комисија Марко Бислимоски. (Фото: К. Попов)

    Седумнаесет семејства трошат 10 отсто од струјата во земјава, велат од Регулаторната комисија за енергетика, која подготвува нов тарифник за цената на струјата според кој, оние кој повеќе трошат ќе плаќаат по поскапа тарифа. Ценовникот се прави бидејќи, како што велат од Регулаторна, не може домаќинства кои трошат струја за греење на базени кои ги имаат дома да плаќаат исто со социјални случаи или граѓани со ниски примања.

    Претседателот на Регулаторната комисија Марко Бислимоски, вели дека во моментов се работи на измените на тарифниот систем со што ќе се воведат три или четири блокови.

    „За евтината струја нема да има блок тарифи односно таа ќе остане иста, а блок тарифите ќе бидат за скапата струја. Немаме проблем со граѓаните кои многу трошат, но ќе платат за тоа повеќе. Со оваа измена ќе придонесеме да се намали потрошувачката на струја“, рече Бислимоски.

    Според анализите на Регулаторна, во земјава има 660.000 домаќинства, просечната потрошувачка е 400 киловат-часови. Најголем е процентот на домаќинста кои трошат до 100 киловат-часови струја и тоа 21.49 проценти.

    Од Регулатроната комисија велат дека 53 отсто од потрошената струја е во скапа тарифа, а 47 отсто во евтина.

    А. АНТЕВСКА

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира