ДРЖАВНАТА АДМИНИСТРАЦИЈА ДА РАБОТИ ВО СМЕНИ ИЛИ ОД ДОМА – НОВ ПРЕДЛОГ НА КОМИСИЈАТА ЗА ЗАРАЗНИ БОЛЕСТИ ДО ВЛАДАТА

    ДРЖАВНАТА АДМИНИСТРАЦИЈА ДА РАБОТИ ВО СМЕНИ ИЛИ ОД ДОМА – НОВ ПРЕДЛОГ НА КОМИСИЈАТА ЗА ЗАРАЗНИ БОЛЕСТИ ДО ВЛАДАТА„Апелирам дека ситуацијата е навистина сериозна. Следен чекор е полициски час“, рече Филипче. (Фото: К. Попов )

    Комисијата за заразни болести утре ќе ѝ предложи на Владата, државната и јавна администрација, вработените во судовите и општините да работат во смени или во ротација или онлајн согласно условите за работниот процес, најави министерот за здравство Венко Филипче.

    Министерот повтори дека Владата утре ќе одлучува за последниот пакет мерки кои ги предлага Комисијата, како за тоа сите економски оператори да работат до 23 часот и да се ограничи капацитетот на јавниот превоз до 50 проценти. Филипче се надева дека измените во Законот за заштита на населението од заразни болести ќе се донесат до крајот на неделава.

    „Апелирам дека ситуацијата е навистина сериозна. Следен чекор е полициски час“, рече Филипче, но додаде дека се надева дека овој пакет мерки, затоа со тие што ќе се најдат на гласање во Собрание, за носење на маска на отворено и забрана за групирања по дома, ќе дадат резултати.

    Филипче кажа дека нема веќе места во болниците во Струмица, Куманово, Штип, Прилеп, дека се отворило уште едно крило во Битола и се полни болницата во Гостивар.

    Б. НЕСТОРОСКА

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира