ДУИ ќе гласа за Законот за Јавно обвинителство и за разрешување на Рашела Мизрахи уште одма ако треба. И претседателот Али Ахмети ќе тргне од Кичево и за пола саат е во Собрание, рече пратеникот на ДУИ Артан Груби денеска во Собранието.
Изјавата на Груби доаѓа откако вчера генералниот секретар на СДСМ Љупчо Николовски на Фејсбук напиша дека ќе се формира нова парламентарно мнозинство ако продолжи блокирањето на законите. Пратеникот на ДУИ кажа и дека немаат разлики со СДСМ, туку вчерашното кочење на седницата настанало поради некоординираност.
„Владата е тука поради гласовите на ДУИ. И на 12 април ДУИ ќе биде одлучувачки фактор. Не условуваме ниту еден закон, нека ги стават одма ќе ги гласаме“ рече Груби.
- РАСПРАВАТА ЗА ЗАКОНОТ ЗА ЈАВНО ОБВИНИТЕЛСТВО НЕ ПОЧНА ВО СОБРАНИЕТО, СДСМ И ВМРО-ДПМНЕ СЕ ИСКАРАА КОЈ ПОВЕЌЕ СЕ ПЛАШИ ОД ИЗБОРИ
- СИТЕ ДОГОВОРЕНИ ЗАКОНИ МОРА ДА СЕ ДОНЕСАТ ПРЕД ДА СЕ РАСПУШТИ СОБРАНИЕТО, ВЕЛИ СПАСОВСКИ
И координаторот на СДСМ Јован Митревски рече сѐ додека ДУИ не го кочи донесувањето на Законот за Јавно обвинителство до распуштање на Собранието, нема да има проблем со коалицијата.
А. АНТЕВСКА
