ЕДУКАТИВНА КАМПАЊА „ГИ ЗАПОЗНАВАМЕ РЕТКИТЕ БОЛЕСТИ“, СЕКОЈ ДЕН ВО ФЕВРУАРИ ЌЕ СЕ ЗБОРУВА ЗА ПО ЕДНА РЕТКА ДИЈАГНОЗА

    ЕДУКАТИВНА КАМПАЊА „ГИ ЗАПОЗНАВАМЕ РЕТКИТЕ БОЛЕСТИ“, СЕКОЈ ДЕН ВО ФЕВРУАРИ ЌЕ СЕ ЗБОРУВА ЗА ПО ЕДНА РЕТКА ДИЈАГНОЗА„Идејата беше да се направи нешто ново, нешто едукативно, со кое би се запознале граѓаните со ретките болести, но секако да ги потсетиме докторите, особено педијатрите, кои се клучни во поставување на дијагнозата“, вели Гордана Лолеска, активистка на здружението „Живот со предизвици“ од Охрид. - Логото на едукативната кампања (Фото: Фејсбук)

    Едукативна кампања за запознавање на јавноста со ретките болести и предизвиците со кои се соочуваат лицата со ретки болести од први следниот месец почнува Здружението на лица со ретки болести „Живот со предизвици“ и активистката на ова здружение од Охрид Гордана Лолеска. Кампањата „Ги запознаваме ретките болести“ стартува со емитување на видео, аудио и текстуални пораки на Супер радио од Охрид, на повеќе национални и локални телевизии, како и на повеќе онлајн медиуми, со тоа што секој ден ќе биде емитувана содржина за по една ретка болест.

    Гордана Лолеска вели дека во овие видео, аудио и текстуални пораки за секоја ретка болест одделно се објаснува каква е болеста, каков е начинот на дијагноза, има ли лек за неа, дали тие лекови се достапни за пациентите во Македонија.

    „Идејата беше да се направи нешто ново, нешто едукативно, со кое би се запознале граѓаните со ретките болести, но секако да ги потсетиме докторите, особено педијатрите, кои се клучни во поставување на дијагнозата. Не секој доктор или специјализант во текот на својата кариера ќе се сретне со некоја од овие дијагнози, и многу е важно кога ќе имаат ваков пациент навреме да ја препознаат болеста. Од друга страна некој можеби ќе ја препознае својата диjагноза, преку овие видеа и текстови од проектот, па ќе побара навреме медицинска помош“, вели Лолеска.

    Таа објаснува дека со тоа сaкаат да го одбележат и меѓународниот ден на ретки болести 28 февруари, а цел месец да биде токму за подигање на свеста за лицата што живеат со ретки болести.

    Е. БОЧВАРОСКА

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира