Комисијата за заразни болести предлага воведување на нова методологија за проценка и следење на епидемиолошкиот ризик од ковид-19 откако е забележано зголемување на нивото на имунизирано население со вакцини и прележана болест, а поголем дел од инфекциите сега поминуваат асимптоматски или со благи симптоми.

Од Комисијата посочуваат дека во последните недели фокусот околу ковид-19 во светот се поместува од вкупни бројки на новооткриени случаи кон број на хоспитализации и оптовареност на здравствениот систем.

„Во овој контекст, предлагаме прифаќање на нова методологија за проценка и следење на епидемиолошкиот ризик врз основа на следните индикатори: број на новооткриени случаи во последните 7 дена на 100.000 население, број на хоспитализации во последните 7 дена на 100.000 население и процент на исполнетост на здравствени капацитети во последните 7 дена. Се предлага, според овие параметри, епидемиолошкиот ризик да биде класифициран како низок, среден или висо“, соопшти Министерството за здравство.

За секоја од проценетите состојби се предвидува сет од мерки на индивидуално и општествено ниво.

Ж. ЗДРАВКОВСКА