„Оставка градоначалниче, предајте се!“, извикаа битолските герилци влегувајќи во салата во битолската бибиотека каде градоначалникот Владимир Талески присуствуваше на промоција на книга. Тие кон него фрлија и две маици на кои пишуваше „Подршка за СЈО“.

„Градоначалникот е невин“, им рече режисерот Љубиша Ѓерогиевски чија книга „Тероризмот и кризата на демократијата“ се промовираше денес во Битола. Талески кој е близок соработник на Георгиевски, не даде никаков коментар, туку мирно продолжи да ги слуша говорниците.

Ова е петта герила огранизирана од „Битолското движење“ чии членови протестираат скоро два месеца за оставка на битолскиот градоначалник Владимир Талески.