Никола Груевски, Зоран Заев, Љубчо Георгиевски, Слободан Богоевски…
Кој ќе победи во четвртата Изборна единица ќе одлучи кој ќе биде победник на предвремените парламентарни избори кои треба да се одржат на 11 декември.
Директно за прв пат на избори ќе се соочат лидерите на ВМРО-ДПМНЕ и на СДСМ Никола Груевски и Зоран Заев. Зоран Заев е носител на пратеничката листа на коалицијата предводена од СДСМ, а Никола Груевски ќе ја предводи листата на коалицијата “За подобра Македонија“.
Покрај нив, во истата изборна единица се и Љубчо Георгиевски, поранешен лидер на ВМРО-ДПМНЕ и сегашен претседател на ВМРО-НП, кој е носител на листата на коалицијата „ВМРО за Македонија“ како и и поранешниот разузнавач Слободан Богоевски кој е носител на листа од коалицијата за “Промени и Правда“.
Изборната единица 4 ја сочинуваат:
- Општина Прилеп
- Општина Струмица
- Општина Радовиш
- Општина Конче
- Општина Валандово
- Општина Гевгелија
- Општина Дојран
- Општина Богданци
- Општина Кавадарци
- Општина Неготино
- Општина Демир Капија
- Општина Битола (дел)
- Општина Кривогаштани (дел)
- Општина Могила
- Општина Новаци
- Општина Росоман
- Општина Босилово
- Општина Василево
- Општина Ново Село
На последните парламентарни избори во април 2014 година носител на листата на СДСМ во четворката беше Хари Локвенец, а на коалицијата на ВМРО-ДПМНЕ Зоран Ставрески. Тогаш СДСМ освои 70.004 гласачи, или 8 мандати, а коалицијата на ВМРО-ДПМНЕ 109.809 гласови, или 12 мандати.
