ЌЕРКА НА ПОРАНЕШЕН МАКЕДОНСКИ ПОЛИТИЧАР УАПСЕНА НА МИКОНОС ЗА ШВЕРЦ НА ДРОГА

    ЌЕРКА НА ПОРАНЕШЕН МАКЕДОНСКИ ПОЛИТИЧАР УАПСЕНА НА МИКОНОС ЗА ШВЕРЦ НА ДРОГАГрчкиот весник „Прото тема“ објави и слики со затемнето лице од инфлуенсерката која на инстаграм има 164.000 следбеници. (Фото: Инстаграм)

    Инфлуенсерка од Македонија, ќерка на поранешен пратеник и градоначалник од редовите на ВМРО-ДПМНЕ, е уапсена на грчкиот остров Миконос за шверц на дрога.

    Како што објави весникот „Прото тема“, покрај 21-годишната инфлуенсерка уапсени се и двајца мажи на возраст од 34 и 35 години. Дополнително бил уапсено уште едно лице, либански државјанин, во обид да се снабди со дрога. Весникот објави и слики со замаглено лице од инфлуенсерката која на Инстаграм има 164.000 следбеници.

    Како што соопшти грчката полиција, по темелна полициска истрага било разбиено јадрото на мрежа на странски државјани кои систематски тргувале со дрога на Миконос. Уапсените биле организирани во криминална група, со конкретни улоги. Едниот бил набавувач и имал лидерска улога, останатите биле шверцери, а дрогата на островот ја продавале во мали пакувања до заинтересираните корисници.

    Биле запленети 437 таблети екстази, 219,8 грама кокаин, 270,9 грама метамфетамин и 155,7 грама канабис.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира