МНР СО ИЗЛОЖБА НА ФОТОГРАФИИ ОД ДИПЛОМАТСКИТЕ ОДНОСИ СО САД ЗА 230-ГОДИШНИНАТА НА СТЕЈТ ДЕПАРТМЕНТОТ

    МНР СО ИЗЛОЖБА НА ФОТОГРАФИИ ОД ДИПЛОМАТСКИТЕ ОДНОСИ СО САД ЗА 230-ГОДИШНИНАТА НА СТЕЈТ ДЕПАРТМЕНТОТМинистерот Никола Димитров и амбасадорката на САД Кејт Мари Брнс во холот на Министерството отворија изложба на фотографии за соработката од воспоставувањето на дипломатските односи до денес. (Фото: МНР)

    Денес во Министерството за надворешни работи беше одбележана 230-годишнината од основањето на американскиот Стејт департмент. На свеченоста, министерот Никола Димитров и амбасадорката на САД Кејт Мари Брнс во холот на Министерството отворија  изложба на фотографии за соработката од воспоставувањето на дипломатските односи до денес.

    „Имаше моменти кога нашите пријатели и колеги од Стејт департментот играа клучна улога помагајќи ни да ги надминеме пречките на нашиот пат кон градење посилна земја, динамична демократија и општество. Благодарни сме им на Соединетите Држави што беа на наша страна во текот на сите овие години.  Фотографиите изложени околу нас се неподвижни, а сепак живописни слики на едно динамично минато, исполнето со важни настани како доказ за цврсто воспоставеното пријателство и соработка“, кажа Димитров.

    Амбасадорката Брнс рече дека соработката и поддршката од САД низ годините е демонстрација на цврстата определба во остварувањето на заедничката визија за безбедна и просперитетна држава.

    Изложбата на фотографии ќе биде отворена за јавноста во холот на Министерството за надворешни работи до 30 август, секој работен ден од 10 до 15 часот.

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира