Претседателот Ѓорге Иванов најави дека и да се избере претседател на Собранието и СДСМ да постигне договор за коалиција со албанските партии, тој повторно ќе остане на ставот да не го додели мандатот.

„Јас на таква коалиција нема да го дадам мандатот, и тоа од политички причини“, кажа Иванов во денешното интервју за „Винер Цајтунг“.

Во интервјуто за австрискиот весник, тој тврди и дека ВМРО-ДПМНЕ и ДУИ договориле коалиција по изборите на 11 декември, но вели дека во последен момент имало телефонски повик и коалицијата се распаднала, без да прецизира кој бил јавувачот.