Мајката на четиримесечното бебе од Кочани кое е позитивно на коронавирусот е тестирана на 8 април и нејзиниот резултат е негативен на вирусот, соопшти вечерва Министерството за здравство. Таа е е хоспитализирана заедно со своето бебе на Клиниката за инфективни болести и фебрилни состојби во Скопје.

Според информациите добиени од Институтот за јавно здравје, четиримесечното бебе од Кочани беше тестирано на КОВИД-19 на 6 април, а резулатите биле готови следниот ден. Се чекаат резулатите за таткото, кој е тестиран на 8 април.

Министерот за здравство Венко Филипче на попладневната прес-конференција кажа дека на Клиниката се хоспитализирани мајка и четиримесечно бебе од Кочани и дека се со стабилна клиничка слика. Секојдневно се следат од педијатар, бебето има лесна форма на анемија, но е во добра состојба и нема потреба од респиратор и наредните месеци ќе се следи неговиот имунонолошки систем.

Б. НЕСТОРОСКА