НЕМОЈТЕ ДА ЖАЛИТЕ ШТО ГО СМЕНИВТЕ ИМЕТО, ТОА ЌЕ ВИ ОВОЗМОЖИ ДА СТАНЕТЕ ЧЛЕНКИ НА НАТО И ЕУ, КАЖА ПРЕТСЕДАТЕЛОТ НА ЕВРОПСКИОТ ПАРЛАМЕНТ САСОЛИ ВО СОБРАНИЕТО

    НЕМОЈТЕ ДА ЖАЛИТЕ ШТО ГО СМЕНИВТЕ ИМЕТО, ТОА ЌЕ ВИ ОВОЗМОЖИ ДА СТАНЕТЕ ЧЛЕНКИ НА НАТО И ЕУ, КАЖА ПРЕТСЕДАТЕЛОТ НА ЕВРОПСКИОТ ПАРЛАМЕНТ САСОЛИ ВО СОБРАНИЕТОПретседателот на Европскиот парламент Давид Сасоли вели дека се свесни и убедени дека Северна Македонија треба побрзо да го почне и да го заврши процесот на пристапување кон ЕУ. (Фото: МИА)

    Претседателот на Европскиот парламент Давид Сасоли во денешното обраќање во македонското Собрание рече дека не треба да жалиме што го сменивме уставното име, бидејќи тоа ќе ни овозможи не само да бараме преговори и членство, туку и да пристапиме кон ЕУ и НАТО. Тој вели дека забелешките за недобивање датум за почеток на преговорите за членство со ЕУ се од малку држави и е убеден дека тие ќе бидат дефинитивно замолкнати.

    „Направивте голем напор дури и го сменивте уставното име, но немојте да жалите поради тоа. Тоа беше многу важна работа со која треба да се гордеете и што треба да ја покаже вашата храброст, и што ќе ви овозможи не само да барате преговори и членство, туку и да пристапите кон евроатлантските сојузи и тие два момента ќе бидат многу важни за вашата иднина. Ова е одлучувачки чекор што им покажа на европските институции дека сте подготвени за заеднички пат со нас. Тоа е сигнал што треба да го пренесете на јавното мислење и сакам да заблагодарам во оваа сала, до медиумите, бидејќи видов толкава страст како Брисел така и овде во овие два дена, дека не смееме да застанеме и сите да се заложиме. Забелешките што беа кажани од малку држави сигурен сум дека ќе успееме дефинитивно да ги замолкнеме и да ги расчистиме проблемите што се појавија“, кажа Сасоли.

    Сасоли вели и дека се свесни и убедени дека Северна Македонија треба побрзо да го почне и да го заврши процесот на пристапување кон ЕУ.

    „Се разбира сфаќаме дека и ЕУ треба да го направи својот дел од работата и земјите кои се заинтересирани за влез да продолжат по својот пат. Преговорите ќе бидат момент што само ќе го зајакне процесот на реформи, за кои Северна Македонија има потреба да ги заврши. Утрово ми остави голем впечаток состанокот со политичките партии во Парламентот и сфатив дека во плурализмот на мислењата слушнав едно заедништво, еден заедничко чувство за процесот на преговори да почне. Да слушнам од нив дека Европа е нивната иднина, тоа е позитивен сигнал и да им кажеме дека овој пат повторно ќе продолжи и затоа имаме потреба од вас од вашиот ентузијазам, од вашата желба за слобода и демократија, за учество во создавањето на иднината на ЕУ“, рече тој.

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира

    Коментари