Министерот за внатрешни работи Оливер Спасовски потврди неговото министерство и обвинителството водат истрага за проневерени 30 милиони евра од МВР во времето на неговата претходничка Гордана Јанкулоска.

„Завршувале и во фирми и во џебови на одредени поедици, но јас оставам тоа да го покаже истрагата. Сето тоа што ќе бниде откриено, за што работат соодветни комисии што сум ги формирал во МВР, УБК, БЈБ, внатрешна контрола и Јавното обвинителство ќе дадат одговор на сите овие прашања“, изјави Спасовски на примопредавањето на 16 возила Дачија дастер во полициската станица во Струга, донација од Германија.

Германија донираше 16 возила Дачија дастер за МВР, вредни 240.000 евра. (Фото: МВР)

Спасовски му се заблагодари на заменикот амбасадор на Германија Марко Акватичи за, како што кажа тој, напорите кои што ги направија за македонското МВР да ја добие оваа донација од околу 240.000 евра.