ПРОГРАМАТА ЗА УНАПРЕДУВАЊЕ НА КРВОДАРИТЕЛСТВОТО ЗГОЛЕМЕНА ЗА 160.000 ЕВРА

    ПРОГРАМАТА ЗА УНАПРЕДУВАЊЕ НА КРВОДАРИТЕЛСТВОТО ЗГОЛЕМЕНА ЗА 160.000 ЕВРАСекоја здрава личност на возраст од 18-65 години може да биде крводарител, а крв може да дарува и лице под 18 години со дозвола од родителите или законскиот застапник, односно старателот; - Ексамбасадорот Џес Бејли лани даруваше крв во крводарителската акција во амбасадата на САД. (Фото: К. Попов)

    Министерството за здравство по повод Светскиот ден на крводарителството повика граѓаните и натаму да бидат хумани и солидарни и да даруваат крв, бидејќи тоа спасува животи. Од Министерството велат дека секоја година изготвуваат посебна програма за организирање и унапредување на крводарителството, а дека годинава средствата во оваа програма се 25 милиони денари (околу 400.000 евра), или за 10 милиони денари (околу 160.000 евра) повеќе од лани.

    Со оваа програма опфатени се активности кои ги реализира Црвениот крст, односно врши постојана здравствено-мотивациска работа меѓу населението, подготвува и врши евиденција на крводарителски акции, изготвува информативен материјал, анкетира и изготвува списоци на потенцијални дарители на крв, организира учество на волонтери и доделување признанија на крводарителите.

    Од Министерството за здравство велат дека дарувањето крв спасува животи и го подобрува здравјето. Тоа е доброволно, анонимно и бесплатно.

    „Секоја здрава личност на возраст од 18 – 65 години може да биде крводарител. Крв може да дарува и лице под 18 години со дозвола од родителите или законскиот застапник, односно старателот“, велат од Министерство..

    Крв може да се дарува и во Институтот за трансфузиона медицина, секој работен ден од 8 до 18 часот, и во сабота од 08 до 14 часот. Во Даре Џамбаз, може да се дарува крв секој работен ден од 10 до 17 часот, а во сабота од 9 до 14 часот. Дарителите можат да даруваат крв на акциите организирани со мобилни екипи, чиј распоред се објавува на интернет страницата на Институтот. Информации има на телефонот 02 3226-923, локал 125 при Институтот за трансфузиона медицина.

    Е. БОЧВАРОСКА

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира