Полицијата вечерва кај селото Блаце, јужно од Скопскиот аеродром го блокира пристапот кон селата Кожле и Ветерско, каде што е паднат авионот Пајпер со германски регистарски ознаки сопственост на авиоклуб од Тревизо, Италија.

Директорот на Бирото за јавна безбедност Митко Чавков изјави дека остатоци од авионот се најдени на 2 километри од селото Кожле и дека полиција веќе го обезбедува местото на несреќата.

Местото каде што се верува дека се урнал италијанскиот авион со германски регистарски ознаки

Во авионот биле двајца италијански и четворица косовски државјани.

Екипа на Обвинителството е на терен и врши увид но се уште не сакаат да дават детали за медиумите.

Според екипата на САКАМДАКАЖАМ.МК која е во близина на местото на несреќата, се работи за тешко пристапен терен.

Авионот со капацитет од 6 патници исчезна од радарите на Контролната кула на Скопскиот аеродром попладнево околу 17.40 часот во фазата на слетување. Летал од Тревизо, а во Скопје требало да дополни гориво.