Процентот на позитивни случаи на КОВИД-19 од бројот на тестирани веќе четири дена е над 10 отсто, покажуваат податоците на Институтот за јавно здравје, откако претходно 40 дена беше едноцифрен, со исклучок на еден ден (11.5).

Процент на позитивни од тестирани за коронавирус во последние 60 дена. (Извор: Институт за јавно здравје)

Посакуваното сценарио од здравствените власти е процентот да биде под 5 отсто, 14 дена по ред, а во изминативе два месеца, само 14 пати тоа било случај.

Рапидно почна да расте и кривата со новите регистрирани случаи на КОВИД-19 и вториот пик деновиве е видно поголем од првиот од средината на април.

Кривата на нови регистрирани случаи за последние 60 дена, со просек од 5 дена за отстранување на аномалии. (Извор: Институт за јавно здравје)

Со вчерашните рекордни 119 нови случаи, бројот на активни случаи е 845, од кои повеќе од половина се од Скопје – 450. По општини во главниот град, најмногу активни случаи има во Чаир – 111, по што следуваат Бутел со 54, Сарај со 48, Аеродром со 45, Гази Баба со 42, Центар со 28 и Карпош со 26.

Број на активни случаи во скопските општини заклучно со вчера. (Извор: Институт за јавно здравје)

Вкупно досега се починати од КОВИД-19 се 147 лица, од кои најмногу од Скопје – 37. Од починатите , 100 се мажи и 47 се жени, а кај 112 (76,2%) се регистрирани коморбидитети, најчесто кардиоваскуларна болест, дијабет и белодробна болест.

Во тек е тридневен полициски час за продолжениот викенд, целосен во Скопје, Куманово, Тетово и Штип, а делумен во остатокот од земјата, со забрана за одење на гробишта на целата територија на земјата.

М. ИЛИОСКИ