РЕНЏЕРИТЕ НА АРМ ОСВОИЈА СРЕБРЕН МЕДАЛ НА НАЈТЕШКАТА ВОЕНА ВЕЖБА ВО БРИТАНИЈА ВО КОНКУРЕНЦИЈА НА 138 ТИМОВИ

    РЕНЏЕРИТЕ НА АРМ ОСВОИЈА СРЕБРЕН МЕДАЛ НА НАЈТЕШКАТА ВОЕНА ВЕЖБА ВО БРИТАНИЈА ВО КОНКУРЕНЦИЈА НА 138 ТИМОВИМакедонската армија за првпат учествува на една од најтешките воени вежби, која се одржува во Велика Британија, која се одржува на многу тешка теренска конфигурација и со освојувањето на второто место се запишаа во историјата на АРМ.(Фото: АРМ)

    Ренџерите на македонската армија  освоија второ место и сребрениот медал на натпреварите на вежбата во Обединетото Кралство „Камбриска патрола 2018“, на која се тестираат најдобрите од 103  тимови од домаќинот и 35 меѓународни армиски тимови.

    Портпаролот на Армијата Тони Јаневски вели дека успехот кој го постигнаа припадниците на АРМ од ренџерскиот баталјон од составот на полкот за специјални операции на вежбата „Камбриска патрола 2018“ за сите кои ги следат активностите на оваа единица не бил за изненадување.

    Во конкуренција на 138 тимови, тимот од 10 припадници на „Ренџерите“ на АРМ предводени од командантот Блерим Исмаили, го освои второто место. (Фото: АРМ)

    „Припадниците на тимот на македонските ренџери освојувајќи го сребрениот медал на ова врвно и уникатно војничко натпреварување од овој вид во светски рамки ја докажаа својата интероперабилност и способност да работат со своите колеги од светските армии , низ претходни континуирани подготовки и внатрешен избор. Припадниците на ренџерскиот баталјон на АРМ се познати по своите вештини да дејствуваат на крајно непристапни терени и во секакви временски услови што го прикажаа и на минатогодишната меѓународна вежба во Црна Гора „Заеднички предизвик 2017“ “, изјавија армискиот портпарол Тони Јаневски.

    Во конкуренција на 138  тимови,  тимот од 10 припадници на „Ренџерите“ на АРМ предводени од командантот Блерим Исмаили, го освои второто место на вежбата што се одржа неделава во Велс. Прв беше тим на пакистанската армија.

    Македонската армија за прв пат учествува на една од најтешките воени вежби, која се одржува во Велика Британија, која се одржува на многу тешка теренска конфигурација и со освојувањето на второто место се запишаа во историјата на АРМ.

    Г. ТРПЕНОСКИ

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира