СЕ НАДЕВАМ НЕМА ДА БАРААТ ДА СЕ ВИКАТЕ ЗАПАДНА БУГАРИЈА, ПА ДА ТРЕБА ПАК ДА ПРЕГОВАРАТЕ СО ГРЦИЈА, МУ КАЖА РАМА НА ЗАЕВ

    СЕ НАДЕВАМ НЕМА ДА БАРААТ ДА СЕ ВИКАТЕ ЗАПАДНА БУГАРИЈА, ПА ДА ТРЕБА ПАК ДА ПРЕГОВАРАТЕ СО ГРЦИЈА, МУ КАЖА РАМА НА ЗАЕВЗаев и Рама на Економскиот форум во Скопје со поранешниот градоначалник на Солун Јанис Бутарис. (Фото: Ѓ. Личовски)

    Ден по новото вето од Бугарија за почеток на пристапните преговори со ЕУ, во Скопје се сретнаа македонскиот и албанскиот премиер, Зоран Заев и Еди Рама, во рамките на Економскиот форум во Скопје. Со ветото за Македонија, Бугарија ја блокира и Албанија, бидејќи останатите земји членки на ЕУ не сакаат да ги разделат двете земји на патот на европските интеграции.

    На заедничката прес-конференција, Рама рече дека неуспехот да се донесе одлука за почеток на преговорите со Македонија и Албанија е неуспех на ЕУ и дека сите имаат право да се чувствуваат фрустрирани.

    „Сега одеднаш се појавува Бугарија и бара нешто повеќе. Му реков на Зоран се надевам дека нема да бараат да се наречете Западна Бугарија, затоа што тогаш ќе треба да се вратите пак кај Грците да преговарате“, рече Рама.

    Заев кажа дека денес Европа има проблем, а проблемот е самата ЕУ.

    „Брисел ни порача дека ЕУ не успеа да најде начин да ја обезбеди заслужената интеграција на Западен Балкан. Е тоа е проблемот. Тоа што 26 земји членки на ЕУ не успеваат да спречат блокада на една земја членка, тоа е проблем на Европа предизвикан од самата ЕУ“, изјави Заев.

     

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови и фотографии) од оваа страница е дозволено само делумно и со ставање хиперлинк до содржината што се цитира