Се прекинуваат и сите воншколски или дополнителни и приватни програми кои децата ги извршуваат вон наставата, како што се курсеви за странски јазици, дополнителни часови, спортски тренинзи и воспитно-образовни активности, како дел од одлуката на Владата да се затворат градиниките, училиштата и факултетите во наредните 14 дена за да се спречи проширување на коронавирусот.
Родителите да ја почитуваат препораката за мирување и седењето дома и да не се посетуваат игротеките, апелираше денеска министерот за здравство Венко Филипче.
„Апелирам да се почитува мирувањето и седењето дома, да не се претвори во масовно посетување на игротеки, како што беше случајот со епидемијата на морбили. Ако одат по игротеки, тогаш мерката нема да има никава смисла. Да се почитува мерката децата да бидат во домашни услови“, кажа министерот Филипче.
Владата донесе одлука и да се забрани и користење на пливачките базени на ниво на цела држава.
