Работници утринава почнаа да ја отстрануваат оградата околу Владата. Се руши само металниот дел од оградата, а бетонските столбови ќе останат, бидејќи, како што кажаа од Владата, нивното отстранување било скапо.
За рушењето на оградата беше донесена одлука на завчерашната владина седница, а тоа беше едно од предизборните ветувања на премиерот Зоран Заев.
Непосредно откако стапи на функцијата во 2017 година, тој најави дека од оградата ќе се направат клупи и настрешници.
Оградата околу Владата беше поставена во септември 2015 година и чинеше околу 700 илјади евра.
ЧИТАЊЕТО Е БЕСПЛАТНО.
АМА НОВИНАРСТВОТО НЕ Е.
Поддржете го слободното, независно, професионално новинарство. Новинарство со интегритет.