ШТРАЈКУВАЧИТЕ ОД УПРАВАТА ЗА МАТИЧНИ КНИГИ СЕ ЖАЛАТ ДЕКА НАИШЛЕ НА АРОГАНТЕН ОДНОС ОД ИНСТИТУЦИИТЕ

    ШТРАЈКУВАЧИТЕ ОД УПРАВАТА ЗА МАТИЧНИ КНИГИ СЕ ЖАЛАТ ДЕКА НАИШЛЕ НА АРОГАНТЕН ОДНОС ОД ИНСТИТУЦИИТЕПоради штрајкот на Управата за водење матични книги, граѓаните не можат да вадат изводи од книгата на родени, венчани и умрени. (Фото: СДК.МК)

    Дел од вработените во Управата за водење матични книги, кои штрајкуваат речиси месец дена, денеска се пожалија дека наишле на арогантен однос од институциите.

    „Во ваква ситуација досега не сме се нашле, ваков однос арогантен од страна на владата и од институциите не очекувавме“, се пожалија од Независниот синдикат на Управата за водење матични книги.

    Тие велат дека подолг период бараат средба, но таа никако да се случи и најавија дека в среда ќе го блокираат Министерството за финансии, од кое бараат повисоки плати.

    „Доколку и таму во среда немаме средба, ќе ја радикализираме состојбата“, велат од Независниот синдикат.

    Во Управата за водење матични книги се околу 500 вработени, а според Независниот синдкат штрајкуваат 70 отсто од нив.

    Од почетокот на штрајкот, синдикатот се договори со Министерството за правда за колективниот договор, а од Министерство за финансии бараат 30 отсто покачување на платата.

    Поради штрајкот на Управата за водење матични книги, граѓаните не можат да вадат изводи од книгата на родени, венчани и умрени.

     

    ЧИТАЊЕТО Е БЕСПЛАТНО.

    АМА НОВИНАРСТВОТО НЕ Е.

    Поддржете го слободното, независно, професионално новинарство. Новинарство со интегритет.

    Симнете ја мобилната апликација

    ©SDK.MK Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира